نادين نسيب نجيم توجه رسالة نارية لمنتقديها

طالبوا مع أبعاد بـ #المؤبد_إلو_الحياة_إلها

بعد الضجة الكبيرة التي أثارتها الممثلة نادين نسيب نجيم بعملية التجميل التي قامت بها لتعريض فكها أو ما يسمى بـ”عملية تكساس”، خرجت أخيراً عن صمتها وردت على كل منتقديها برسالة نارية.

ونشرت نادين صورة مركبة على صفحتها على “انستغرام” مع نجمتيم عالميتين خضعتا لنفس عملية التجميل وعلقت عليها قائلة: “بعتقد بكفي حكيتوا كتير عن موضوع شكل وجي وأخدتوا راحتكم وانتقدتوا لشبعتوا صرلكم سنة بس مش معقول كل ما نزل صورة حلوة او ايا شي بتتركوا كل شي وبتعلقوا على حنكي بالوقت يلي بتنفحطوا وبتجنوا بجمال الأجانب”.

وأضافت: “هيدي الصورة حطيتا ليش حلال على الأجانب وعليي انا لاء؟ تتشوفوا عقدة البعض مني انا تحديداً وكأني الأولى والأخيرة هيدي انا هيدا شكلي وكتار حاولوا يقلدوني بس بنفس الوقت بينتقدوني هيدي مع الأسف نفسيات البعض انا متقبلة بس خلص حكيتوا وانا ما عم رد ولا رح غير شكلي كرمال حدا هيك”.

وتابعت: “انا مبسوطة ويلّي اجمل مني يعمل احسن مني ما زهقتوا نفس الحكي بتعيدوا صرلكم سنة والله انا زهقت عنكم ! وشو المقصود من كل هلحكي غير حالي؟ مستحيل، تأثروا على نجاحي وعلى ثقتي بنفسي، مستحيل تغيروا رأي العالم يلي بحبوني وبشوفوني حلوة بدكم تعملولن غسل دماغ لكل انسان بحبني وتحاولوا تشوهوا صورتي قدامن مستحيل مستحيل”.

وأضافت: “بدكم تجيبوا لايك وفولورز؟ اي ممكن بس نصيحة ما شايفين أني ماشية بطريقي والمحبين والمعجبات كتار لوين بدكم توصلوا؟ ما شايفين غيري بكل الوطن العربي؟ بعرف هيدي ضريبة النجاح بس اذا انا بنت بلدكم وهيك عم تعملوا فيي شو خليتوا لغير عالم هيدا جوابي للي عاملين حالن بيفهموا وعندن الصلاحية يحكموا على العالم وينتقدوا والمفروض المشهور يسكت ويبلعها وما يحكي الحق”.

وختمت رسالتها: “انا انسانة وعندي صوت متلكم بجاوب وقت يلي لازم جاوب وهيدا جوابي ان شاء الله تحلوا عن حنكي وتركزوا بجمالكم يا حلوين إنتوا يا ملوك الجمال. والله يعطيكم على قد نيتكم وعلى قد ما بتحبوني”.

اخترنا لك

التعليقات مغلقة.